0:00 / 0:00

Бүгінгі жəрмеңке қалалық халықты жұмыспен қамту орталығы мен қалалық жастармен жұмыс жөніндегі ресурстық ортадығының бірлесуімен өткізілді. Жəрмеңке жұмыссыз жастармен өзге де санаттағы жұмыс іздеуші тұлғаларға арналады. Аталмыш жəрмеңке биыл сегізінші және соңғы рет ұйымдастырылып отыр.

НҰРЖАН АТКЕШОВ,ОРАЛ ҚАЛАЛЫҚ ЖҰМЫСПЕН ҚАМТУ ЖӘНЕ ӘЛЕУМЕТТІК БАҒДАРЛАМАЛАР БӨЛІМІНІҢ СЕКТОР МЕҢГЕРУШІСІ: - Күні бүгінге дейінгі өткізілген жəрмеңкелер нәтижесінде 362 адам тұрақты жұмыспен қамтылды. 2018 жыл басынан күні бүгінге жұмыспен қамту орталығына 7256 адам жұмыссыздық мәселесімен жолықты. Соның ішінде тұрақты жұмысқа 3200 ден астам тұлға тұрақты жұмысқа орналасса, 5252 адам мемлекеттік қолдау шаралармен қамтылды.

Сонымен қатар биыл орталықтын жолдамасымен 216 адам еңбек нарығындағы сұранысқа ие мамандықтарға қысқа мерзімді оқытуға жолданса, 209 адам оқуын аяқтап, оның 100 -і тұрақты жұмысқа орналастырылған. Бұл күнгі жәрмеңкеде техникалық мамандық иелеріне сұраныс көп болды.

МҰРАТ ҚАЖЕНОВ,«ҚАЗКОН» КОНДИТЕРЛІК КОМПАНИЯСЫНЫҢ МЕНЕДЖЕРІ: - Біздің кондитерлік компанияда 4 бағыт бойынша жұмыс атқарылады. Сол себепті техникалық мамандық иелеріне сұраныс бар. Электриктер техниктер қажет.

Сонымен қатар, биыл қысқа мерзімді оқыту курсын аяқтаған 4 бағдарлама қатысушысы мемлекеттік 100 АЕК көлеміндегі қайтарымсыз грантқа қол жеткізіп, өз істерін ашуға мүмкіндік алған.