2021 жылы өңірдің жалпы ішкі өнімі өткен жылдармен салыстырғанда 4-6 пайызға кем болуы мүмкін. Бұл жөнінде "Атамекен" ұлттық кәсіпкерлер палатасының БҚО филиалының мамандары хабарлайды. Әлемді дүрліктірген тәж тажалынан зардап шеккен сала жетерлік. Солардың бірі- бизнес екені даусыз. Карантин шектеулеріне байланысты сауданың өзі трансформацияға ұшыраған. Сала мамандары сауда үйлерінде орналасқан бутиктерде сауда азайып, оның орнын онлайн сауда-саттықтың алмастырғанын айтады. Пандемияның кесірінен тақырға отырып, қарызға белшесінен басқан кәсіпкерлерді қолдау тетіктері әлі де болса қарастырылып жатыр. Өткен жылы бизнес субъектілеріне несие берешегін кешіктіріп төлеу шарасы өзін-өзі ақтамады. Себебі, несиенің қалған қарызы ай сайынғы төлемге қоса есептелген-ді.
Сурет https://ru.freepik.com/сайтынан жүктелді
