Оралда бауыр мен ұйқыбездің метаболикалық ауруларын диагностикалау және емдеу мәселелеріне арналған ғылыми-тәжірибелік семинар өтті. Жиынға Алматыдан келген жетекші мамандар мен Батыс Қазақстан облысының дәрігерлері қатысты. Мамандар ауруды ерте анықтау, асқыну қаупін бағалау және науқасты кешенді емдеу тәсілдерін талқылады. Семинар барысында сала мамандары өз тәжірибелерімен бөлісіп, заманауи медициналық әдістерді тәжірибеге енгізу мәселелеріне тоқталды.