Орал қаласында Балаларды қорғау күніне орай «AQ JOL» ҚДП БҚО филиалының қолдауымен ауқымды қайырымдылық акциясы өтті. Іс-шараны «AQ JOL» партиясы, «AQ JOL арулары» әйелдер қанаты және Орал қалалық төтенше жағдайлар басқармасы ұйымдастырды. Ұйымдастырушылар жасөспірімдер үшін ойын-сауық және шығармашылық бағдарламалар әзірлеп, құтқарушылардың қызметімен таныстыру шараларын өткізді. Мерекелік жиын балаларға көтеріңкі көңіл күй сыйлап қана қоймай, қауіпсіздік мәдениетін қалыптастырудың және өскелең ұрпаққа қамқорлық көрсетудің маңызын тағы бір мәрте айқындады.