0:00 / 0:00

Қасым-Жомарт Тоқаев келер жылы амнистия жарияланатынын айтты. Рақымшылық Қазақстан тәуелсіздігінің 30 жылдығына орай жасалып отыр. Осы тұста бас бостандығы шектеулі азаматтарды қоғамдық жұмыстарға тарту бойынша жұмыс қарқын алатыны анық. Орал қаласының өзінде жыл басынан бері қоғамдық жұмыстарға 115 адам жұмылдырылған. Олар жазасына байланысты 50 сағаттан 300 сағат аралығында еңбекке араласты. Қазірдің өзінде провациялық қызметте 28 сотталушы тіркеуде тұр. Ал деркөл кентінде 8 бірдей сотталушы күніне 4 сағаттан абаттандыру жұмыстарына тартылған.

Сол деркөл кентіне қарасты қоғамдық жұмыстарға тартылған азаматтың бірі-Иван Орбавец. Осыдан төрт ай бұрын ұрлық жасағаны үшін 2 жарым жылға бас бостандығынан айырылып, 100 сағат қоғамдық жұмыс жасау жазасын арқалады. Сол жұмыстардың жартысын орындапты. Жазасын өтегесін тұрақты қызметке орналасқысы келеді.

Абақтыдан босап шыққандарды түзу жолға түсіріп, қоғамдық өмірге бейімдеу жолында пробация қызметінің жүгі ауыр. Тиісінше, қаламыздағы пробация қызметінің мақсаты да осы – адамдардың екінші рет адасуына жол бермеу.

Мемлекет тарапынан жазаның жеңіл түрін ұсынып, қоғамдық жұмысты ұсынса да, одан бас тартатын сотталушыларда бар көрінеді. Жыл басынан бері талапқа бағынбаған 7 сотталушы кері қамалған.