Редакция: +7 (7112) 93-34-33

Жарнама бөлімі: +7 (775) 906-38-00, +7 (707) 716-97-77

11:00

Жаңалықтар

13:30

Жаңалықтар

18:30

Жаңалықтар

21:00

Жаңалықтар

«ARTSPORT-ҚА ЕНГІЗІЛЕТІН ӨЗГЕРІСКЕ ҚАРСЫМЫЗ!»

c 21:17, 27/06/2022 c 921

0:00 / 0:00

Ата-аналар мен кәсіпкерлер арт спортқа енгізілетін өзгеріске қарсы. Өздеріңізге мәлім, Қазақстанда балаларға арналған спорт және шығармашылық үйірмелері тегін жұмыс істеп, жан басына шаққанда қаржыландыру бағдарламасы мамыр айында іске қосылған еді. Осылайша балаларға арналған үйірмелерге тегін қатысуға мүмкіндік берілді. Алайда, балаларын тегін үйірмеге беріп бастаған ата-аналардың қуанышы көпке созылмады. Себебі, әкімдіктер Art Sport бағдарламасы бойынша қаржыландыруды тоқтатып жатыр. Ал мәдениет министрі Дәурен Абаев арт спорт жүйесі арқылы тарифты 50 пайызға төмендетуді ұсынды.

Мәдениет және спорт министрі Дәурен Абаев ОКҚ өткен брифифнгте Артспортқа енгізілетін өзгерістерді мәлімдегенді. Тариф 50 пайызға төмендеп, балаларын тегін үйірмеге беріп жүрген ата-аналарын оның жартысын өз қалтасынан төлейтін болады. Яғни президенттің тапсырмасына сәйкес, балаларды тегін спорт пен үйірмеге тарту деген болмайды. Сондай-ақ, бір үйден бір балаға ғана елу пайзыдық жеңілдігі бар үйрімеге баруға рұқсат етіледі. Спорттың төрт түрі қысқартылады. Балалрды спортқа беру жасы бойынша да шектеу енгізілмек. Футболға 8 жастан, боксқа 12 жастан ғана алатын болады. Бұл көптеген баланың еш шарамен қамтылмай үйде отыруына әкеледі. Онсыз да телефоннан бас көтермейтін балалар смартфонға телміретін болды. Алайда, арт спорт саласында ісін жүргізіп отырған кәсіпкерлер мен ата-аналар бұған қарсы.

Егер мәдениет министрі ұсынған өзгерістер жүзеге асса, жарты миллион бала үйірмеден тыс қалады. 15 мың қызмет ұсынып отырған кәсіпкерлік тоқтайды. 150 мың тренер мен педагог жұмыссыз қалады. Ал тегін үйірменің рахатын көріп отырған көпбалалы отбасылары ақылы қызмет түрін көтере алмайды.

Мәдениет министрлігінің ұсынысына қарсы шығып отырғандар бұл мәселені қоғамдық талқылауға салу керек деп отыр.

ТДК 42 телеарнасының сайтында tdk42.kz жарияланған барлық материалдар телеарнаның меншігі. Авторлық құқық қорғалған. Материалдарды сілтемесіз tdk42.kz көшіріп басуға, рұқсатсыз жариялауға тиым салынады.