0:00 / 0:00

Ресей Президенті Владимир Путин Петерборда өткен ТМД елдері басшыларының бейресми саммитінде Қазақстан Президенті Қасым-Жомарт Тоқаев ТМД жанынан орыс тілін қолдау және дамыту бойынша халықаралық ұйым құруды ұсынғанын мәлімдеді. Осылайша сүйіншілеген Владимир Путин "орыс тілі – сөзсіз мемлекетаралық араласу тілі. Біз, әрине, Қазақстан президетінің ұсынысын қолдаймыз және өз тарапымнан бұл идеяны жүзеге асыру үшін барын жасаймын" деді. Ресей басшысының бұл сөзі Кремльдің сайтында жарияланды. Алайда Ақорданың таратқан хабарламасында ТМД елдерінің басшылары ұйым қызметінің басым бағыттары мен өзара тиімді ынтымақтастығын нығайту, одан әрі даму жолдарын талқылады делінген. Ал орыс тілінің аясын кеңейтуге қатысты Ақорда ауыз ашпады. Әлеуметтік желіде ресей басшысының айтқаны қызу талқыланып жатыр. Ал қазақстандық депутаттардың пікірінше, орыс тілін дамыту үшін құрылатын халықаралық ұйым жұмысы, Қазақстанда мемлекеттік тілдің дамуына кері әсер етпейді. Бұл орыс тілінің қолдану аясы тарылып жатқан ТМД-ға мүше басқа елдерге қатысты айтылған ой дейді олар.

Ал депутат Бейсенбаев қазақ басшысының ұсынысын былайша түсіндірді.