0:00 / 0:00

Тәуелсіздіктің 30 жылдығы қарсаңында Қазақстанның экономикалық-әлеуметтік дамуына үлес қосқан азаматтарды марапаттау жаппай жүріп жатыр. Күні кеше ғана мемлекет басшысы жоғары марапатқа лайықтыларды Ақордада ұлықтаса, аймақтар мен министрліктер, Парламент те өз қызметкерлерін құрметтеп жатыр. Бұл үрдіс саяси партияларда да орын алды. Ақжолдықтар да бүгін Президентің жарлығымен «Парасат», «Құрмет», «Ерен еңбегі үшін» және «Шапағат» орден, медальдарымен марапатталды. Мемлекеттік наградаларды партияластарына Азат Перуашев табыстады.

Саяси партиялар да мемлекеттік наградаларды табыстау рәсімдерін өткізді. Бүгін «Ақ жол» партиясының өңірлердегі мүшелері елордада бас қосып, Президентің жарлығымен «Парасат», «Құрмет», «Ерен еңбегі үшін» және «Шапағат» орден, медальдарымен марапатталды. Сондай-ақ, «Ақ жол» партиясының өз марапаттары да табысталды. «Үздік депутат», «Еңбегім еліме», «Қазақ Республикасының 100 жылдығы» медальдары аймақтардағы маслихат депутаттарына, кәсіпкерлер мен өндіріс орындарында еңбек етіп жатқан азаматтарға бұйырды. Батыс Қазақстандық депутаттар да елордадан бос қайтпады.

Партия төрағасы марапатқа лайықты деген азаматтарға құрмет көрсетуге тырыстық. Әсіресе пандемия кезінде күш-жігерін аямай, адам өмірі үшін індетпен күрескен аймақтардағы ақ халатты абзал жандарды қолдауды жөн санадық дейді.

Неше күннен бері еңбегі еленіп, медаль тағылып жатқандар әлеуметтік желіде қуанышымен жарыса бөлісуде . Тұғыры биік Тәуелсіздіктің 30 жылдығында құрметсіз қалған жан жоқ. Алайда, солардың бәрі жоғары наградаға лайық па деген сұрақ туындайды.