0:00 / 0:00
Ішкі істер министрлігінің елдегі бір аптадағы криминогендік жағдайға қатысты мәліметі көңіл қоншытпайды. Бір апта ішінде 2299 қылмыс жасалған. Полиция оның 1490-ы тәулік ішінде ашылды деп хабарлап отыр. Өкінішке орай қазақстандықтар жеке басының қауіпсіздігіне де немқұрайлы қарайды. Ауа-райы күрт бұзылып, қарлы, боранды күндерде жол жабылып жатса да, ескертулерге қарамастан жолға шығып кетіп жатқандар баршылық. Енді құзырлы орган өз қауіпсіздігіне жауапсыз қарайтындарға 30 айлық есептік көрсеткіште айыппұл салмақшы.
Қаңтар айы жылы ауа-райымен басталғанымен, қарлы, боранды болып тұр. Ал бүгіннен бастап республика бойынша аяз күшейіп жатыр. Бұл уақытты қаңтардың шілдесі деп атайды.Яғни сарышұнақ аяз бірнеше күнге созылады. Ал тоқатусыз жауған қардан автожолдар жабылып, жолға шығып кеткен жолашуылар әбігерге түсті. Бір айта кететіні қолайсыз ауа-райы кезінде жолға шықпауға қанша ескерту жасалғанымен, кей азаматтар өз қауіпсіздігіне жауапкершіліпен қарамай отыр. Еліміздің 9 өңірінде республикалық және облыстық маңызы бар автожолдардың 79 учаскесінде көлік қозғалысына шектеулер енгізілді. Жолдарда ТЖ жою жөніндегі республикалық штаб құрылды. Ескертуге құлақ аспай жолға шығып кеткендерді құтқару үшін 769 уақытша жылыту пункті дайындалды.Авариялық-құтқару жұмысына 4 мыңнан астам адам және 1,5 мың техника жұмылдырылды. Бұл жағдай жол үстіндегі көлік апатының орын алуына, адамдардың қар құрсауында қалуына әкеп соқты. Енді ішкі істер министрлігі жолға шықпау туралы ескертуді назар алмағандарды айыппұл салып, әкімшілік қамауға алмақшы.
Жеке басына қатысты қауіпсіздік шарасын сақтамайтындардың тағы бірі санаты- сертификатталмаған пиротехнкианы сатып алушылар болып отыр. Жаңа жылдық мереке кезінде пиротехниканың саудасы қызитын уақыт. Құзырлы орган мереке қарсаңында қазақстандықтарға рұқсат етілмеген жерден мұндай заттарды сатып алмауға қанша кеңес беріп, оның қауіптілігі туралы ескерту жасағанымен жағдай қайталанып отыр. Полиция сертификаты жоқ 16 мың пиротехниканы тәркілеген.Пиротехника өнімдерін сату ережелерін бұзғандар жауапқа тартылған.
ШҰҒЫЛА ТҰРЛЫБЕК – ҚР ІІМ ӨКІЛІ «Пиротехникалық өнімдерді сату ережелерін бұзғаны үшін 829 адам, бөлінбеген жерлерде қолданғаны үшін 11, сақтау және тасымалдау тәртібін бұзғаны үшін 2 адам жауапқа тартылды. Жаңа жыл қарсаңында отшашумен жұмыс істеу кезінде күйікке шалдыққандар бойынша 15 факті тіркелді, оның ішінде 6 кәмелетке толмаған бар. Астанада екі кәмелетке толмаған баласы бар ер адам отшашуды қолданған кезде ерні мен қолының термиялық күйіктерін алған».
Өкінішке орай пиротехниканы дұрыс қолданбау салдарынан пәтер балконының өртену фактісі де орын алды дейді министрлік өкілі.
