0:00 / 0:00

Қаралы қаңтарға бір жыл толды. Парламентте құзырлы орган басшылары қаңтар трагедиясы бойынша тергеу барысын баяндаса, президент пен премьер-министр мешітке барып, қаңтарда құрбан болғандарға құран бағыштады.

Қаралы қаңтарда қаза болғандардың саны 238 адамды құрап отыр. Прокуратураның дерегі бойынша, оның 41 бұрын сотталған, 67 адам шабуылдаушы, 142-сі төтенше жағдай мен антитеррристік операция режимін бұзушылар. Ал 4 адам басқа да қылмыстар жасау барысында көз жұмған. Ақорданың хабаралуынша, бүгін мемлекет басшысы Қасым-Жомарт Тоқаев Астанадағы Әзірет-Сұлтан мешітіне барып, бір жыл бұрын қаңтар қақтығысында қайтыс болғандардың рухына құран бағыштады.

Ал үкімет басшысы Әлихан Смайылов шахардағы Әбу-Насыр әл-Фараби мешітіне барып, қаңтар құрбандарына дұға бағыштап, құрбан шалды. Жалпы қаңтар оқиғасы бойныша 5300 қылмыстық іс қозғалды. 1 221 адамға қатысты істі соттар қарап, соның 1205-і сотталды. Өткен жылы қаңтар оқиғасына қатысқандар бойынша рақымшылық жасалып, мыңнан аса адам осыған қол жеткізді.Қазір прокуратура 315 адамға қатысты 127 іс тергеліп жатқанын мәлімдеді.