0:00 / 0:00
Мәжіліс депутаттары ауылдағы медициналық қызмет сапасын жақсарта алмай отырған облыс әкімдеріне «3» деген баға қойды. Бұл жайында депутат Елнұр Бейсенбаев мәжілісте ауылдықтардың денсаулығын жақсартуға қатысты өткен үкімет сағатында айтты.
Өкінішке орай ауылдарда қан айналымы, қатерлі ісік, тыныс алу жолдары және жарақаттан туындаған аурулар өлім-жітім көп тіркеліп отыр. Сондай-а, ауылдарда нәресте өлімі артқан.
Бұл ауылда медициналық көмектің қолжетімсіз екенін көрсетеді. Қолына дипломын алып ауылға барамын деп құлшынып тұрған жас дәрігерді де кездестіру қиын қазір. Себебі, ауылда ол үшін баспана, тиесілі жалақы күтіп тұрған жоқ. Әрине министр ауылға барып қызмет ететіндерге барлық жағдай жасалады деп таудай уәдесін беріп, ауыл медицинасын дамытуға қатысты тамаша жоспарларын алға тартты. Оның бәрі іске асса игі. Дәрігерлердің ғана емес, сол салада еңбек етіп жүрген орта және төменгі санаттағы қызметкерлердің де материалдық жағдайы мәз емес дейді депутаттар.
Министр бұл орайда әлемдік тәжірибені алға тартып, жедел медициналық жәрдемде парамедиктер түсінігін енгізуді ұсынды. Осылайша, қызығушылық танытқан жүргізушілер аранйы курстардан өтпек.
Еліміздің бас дәрігері парламентке көшпелі диагностика жасайтын, алғашқы медициналық көмек көрсететін көліктерін, тіпті төрт дөңгелекке орналасқан дәріханасын да сүйреп келген екен. Алайда, көрсеткіш үшін ұсынылған үлгідегі медициналық көмек ауылға неге бармасқа деген ой салады.
