0:00 / 0:00
45 мектепте жөндеу жұмыстары қызу жүріп жатыр. Қабырғасы өткен ғасырдың 1940 жылы қаланған нысан тек 2003 жылы ғана білім басқармасына берілген. Жөндеу жұмыстары сапасыз орындалды ма? Әлде бөлінген ақша орынсыз жұмсалды ма? Әйтеуір білім ошағы кез-келген жөндеу жұмыстарынан кейін де бұрынғы жұпыны түріне қайта енеді екен. Бұл жолғы жөндеу қандай болмағын уақыт көрсетер, дегенмен мердігер өз ісіне жауапкершілікпен қарайды деген үміт зор.
Күрделі жөндеу биыл мамырда мемлекет тарапынан қайта қолдау тауып өтіп жатыр. Құрылыс жұмыстары біткесін 650 оқушы 2 аусымда білім алатын болады. Бүгінде жоспардың басым бөлігі аяқталды. Мектептің жанынан ойын алаңын да салу қарастырылған. Жалпы осындай ілгері іске 600 млн теңге бөлінген.
Күрделі жөндеу жұмыстарының барысын мектеп жанынан құрылған қоғамдық коммиссия қарайды. Олар жұма сайын келіп, мердігерлерді қадағалап отырады екен.
