Орал қаласында Полиция күні мен Мемлекеттік қызметші күніне арналған салтанатты іс-шара өтті. Жыл сайын 23 маусымда Қазақстанда құқық қорғау органдарының қызметкерлері мен мемлекеттік қызметшілер өздерінің кәсіби мерекесін атап өтеді. Қоғамдық тәртіп пен заңдылықты қамтамасыз етуге, сондай-ақ мемлекеттік саясатты тиімді іске асыруға елеулі үлес қосып жүрген бұл сала мамандары мемлекет пен қоғам өмірінде маңызды орын алады. Мерекелік шара барысында қызметтік міндеттерін адал әрі жауапкершілікпен атқарып, кәсіби біліктілігімен ерекшеленген үздік қызметкерлер қала басшылығының атынан марапатталып, алғыс хаттар мен арнайы наградаларға ие болды.