"Таза ауа" экономикалық рейді кезінде атмосфераға зиянды қалдықтарды шамадан тыс бөлу бойынша 8 факті анықталды. Акция БҚО табиғи ресурстар және табиғат пайдалануды реттеу басқармасы, жергілікті полиция қызметі мен экология департаментінің бірлесуімен өткізілді. Рейд аясында автокөліктерден шығатын түтіннің құрамынан улы заттың шектеулі көлемін анықтау мақсатында 16 қоғамдық көлік тексеріліп, экологиялық талапты бұзған жолаушы тасымалдаушыларға үн парақтар табысталып, ескерту жасалды.
-"Жылына 2 рет өткізілетін рейдтің нәтижесі арнайы базаға енгізіледі. Ал ескертуге құлақ аспағандар анықталса, жазаға тартылатын болады",- "БҚО табиғи ресурстар және табиғат пайдалануды реттеу басқармасының" бас маманы Фариза Сұлташева.
