0:00 / 0:00

Облыстық спорт мектебінде жасөспірімдер арасында грек-рим күресінен облыстық чемпионат оздырылды. Ұйымдастырушылардың айтуынша ең басты мақсат, аталмыш күрестің түрін кеңінен насихаттап, жастарымызды спортпен айналысуға баулу. Қазақстандағы Грек-рим күресі, XX ғасырдың екінші жартысынан бастап жаппай дами бастаған. Белдесу қарсыластар түрегеліп төрттағанға түскенде аударылып, домалатып әдістер қолдану арқылы өткізіледі. Бүгінгі палуандардың бас қосуына өлкеміздегі барлық аудандардан шамамен 200-ден аса жасөспірімдер қатысып, өз бақтарын сынады. ЖАттықтырушылардың пайымдауынша грек-рим күресінің жарыс ережесі 1896 жылы пайда болып, содан бері бірнеше рет жаңартылған. Соған байланысты өскелең ұрпақ та, күннен күнге түрлі әдестерді үйреніп, аталмыш спорт түрінің шыңын бағындыруға атсалысуда. Жарыс қортындысы бойынша жеңімпаз атанған жерлестеріміз, алда өтетін республикалық аренада Жайық өлкесінің намысын қорғайды. Сондай-ақ спорт саңылақтары арнайы марапатқа ие болып, медальдарға ие болады.