Мемлекеттік қызметші тек құжатпен жұмыс істейтін маман емес. Олардың арасында өнерге жақын, ән мен сахнаны серік еткен жандар да аз емес. Орал қаласында Мемлекеттік қызметшілер күніне орай ұйымдастырылған «Жұлдызды жұп» ән байқауы соның айқын дәлелі болды. Ерекше музыкалық кеште мемлекеттік қызметкерлер кәсіби әншілермен бірге сахнаға шығып, өнерлерін ортаға салды.