0:00 / 0:00
Елбасы тапсырмасына сәйкес, облыс орталығынан шалғай орналасқан үш бірдей оңтүстік ауданға тас жол екі-үш жылда салынып бітуі тиіс. Бұл туралы өңірімізге жұмыс сапарымен келген еліміздің инвестициялар және даму министрі Жеңіс Қасымбек баяндады. Қазір құрылысы жүріп жатырған Қазталов-Жалпақтал-Чапаев күре жолының күрделі жөндеу жұмыстарын өз көзімен көрген министр жалпы, облыстың автомобиль жолдарының жағдайы туралы көшпелі кеңес өткізді. Шара барысында жол саласы мамандары мен біраз жылдан бері жол азабын тартып келе жатырған Қазталов, Жәнібек, Бөкей Орда аудандарының тұрғындарымен де тілдескен министр, жол жөндеу жұмыстарына келер жылы кірісетіндеріне сөз берді. Тақырыпты толығырақ тілшіміз өрбітсін.
