Редакция: +7 (7112) 93-34-33

Жарнама бөлімі: +7 (775) 906-38-00, +7 (707) 716-97-77

11:00

Жаңалықтар

13:30

Жаңалықтар

18:30

Жаңалықтар

21:00

Жаңалықтар

Арқанға оралып қалған

c 16:57, 27/09/2021 c 783

0:00 / 0:00

Оралда 9 жасар бала балалар алаңында тренажер арқанына оралып қалып, тұншыққан. Жағдайы ауыр күйде ауруханаға жеткізілген мектеп оқушысы ес-түссіз күйде жансақтау бөлімінде екі күн еме алып есін жинаған. БҚО Полиция департаменті баспасөз қызметінен түскен мәліметке қарағанда, оқиға 25 қыркүйек күні У.Громов көшесі бойындағы аулалардың бірінде болған. 2012 жылы туған бала абайсызда құлап кетіп, темір тренажердің бірінің арқанына оралып қалған. Ол тұншығу диагнозымен қалалық көпбейінді ауруханаға жатқызылды. БҚО Денсаулық сақтау басқармасының баспасөз хатшысы Айнагүл Сақболсынованың нақтылауынша, жансақтау бөлімінде жатқан бала - ес-түссіз күйде болған. Қазір 9 жасар мектеп оқушысы есін жиған. Жағдайы ауыр бала кеше облыстық балалар ауруханасына ауыстырылыпты. Полиция департаменті ата-аналарға балаларын қараусыз қалдырмауды ескертеді. У.Громова көшесі 11/1 мекенжайындағы ойын алаңы өткен жылы ғана пайдалануға берілді. Құны шамамен 50 млн. теңгеге бағаланған нысан мердігері оқиға орнынан табылды. Оның айтуынша аула алаңындағы барлық құрылғылар талапқа сай орнатылған. Қалалық әкімдік шаһардағы жаңғыртылған аулалар мен ойын алаңдары және спорттық алаңдар бойынша ешқандай арыз-шағым болмағанын мәлімдеді. Оқыс оқиғадан кейін ойын алаңындағы арқан алынып тасталған.

ТДК 42 телеарнасының сайтында tdk42.kz жарияланған барлық материалдар телеарнаның меншігі. Авторлық құқық қорғалған. Материалдарды сілтемесіз tdk42.kz көшіріп басуға, рұқсатсыз жариялауға тиым салынады.