«Не ақшамыз, не баспанамыз жоқ». Осылай деген бір топ тұрғын арнамызға көмек сұрап жүгінді. Ақсай қаласынан пәтер аламыз деген үмітпен құрылыс компаниясына қомақты қаржы аударған салымшылар бүгінде сан соғып қалғандарын айтады. Айтуларынша, уәде етілген баспана да жоқ, салған қаражаттарын да қайтара алмай жүр. Тұрғындардың мұңын тілшіміз Айдос Мәлікұлы тыңдап қайтты.