Мемлекет басшысы Қасым-Жомарт Тоқаев 2024 жылғы Жолдауында «Таза Қазақстан» жалпыұлттық экологиялық акциясын бастауды тапсырған болатын. Осы бастама аясындағы жұмыстар бүгінде өз жалғасын тауып келеді. Орал қаласында акция шеңберінде Шаған өзенінің жағасында жастардың қатысуымен экологиялық квест ұйымдастырылды. Шара барысында қатысушылар табиғатты қоқыстан тазартып қана қоймай, түрлі қызықты тапсырмаларды орындап, өзара бақ сынасты.