Оралда жедел жәрдем көлігінде жүкті әйел босанып қалды. Салмағы 3 келіден асатын қыз баланың өмірге аман-есен келуіне жедел жәрдем стансасының фельдшері Еркебұлан Жасұланов пен студент, осы медициналық мекеменің санитары Айсұлтан Нұрышев септігін тигізді. Жедел жәрдем стансасы қызметкерлерінің бұл - кәсіби борышы болғанмен нақ осы жәйттің өзіндік ерекшелігі бар. Өйткені сәбидің аман-есен дүниеге келіп, анасының аяқ-қолын бауырына алуына себепкер осы жас жігіттер-Еркебұлан Жасұланов пен студент Айсұлтан Нұрышев. Еркебұлан жедел жәрдем қызметінде 3 жылдан бері еңбек етеді. Қос маман осыдан екі күн бұрын түнгі кезекшілікке қатар түскен.: Ал студент Айсұлтан Нұрышев он айдан бері өз білім-біліктілігін сынап, санитар қызметін атқарып жүр. Осы уақыт ішінде ол екі әйелді жедел жәрдем көлігінде босандырса, бір толғақты үйде қабылдаған. Қазір 103 қызметіне күніне 300-ден аса қоңырау шалынса, оның 20-дан астамында әйелдер перзентханаға жеткізіледі. Бүгінде сәби анасымен қалалық көпбейінді аурухананың перзентханасында дәрігерлердің бақылауында. Салмағы 3 келіден асса, бойы 50 см көрінеді. Аурухана әкімшілігі ана мен баланың жағдайы қалыпты екенін, үйге шығарылуға дайындалып жатқанын хабарлады.