0:00 / 0:00

Орал қаласында еріген қар суымен күрес басталды. Алайда, соған қарамастан жеке секторда орналасқан тұрғын үйлер жапа шегіп отыр. Олардың аулалары еріген қардың суымен толып қалыпты. Сала мамандары тәулік бойы бел жазбай қызмет етіп жатса да , еріген қардың суына шағымданған азаматтардың қарасы қалың. Бүгінгі таңда, еріген қардың сумен күресу үшін 55 техника мен 120 адам жұмылдырылған.

Сәуір айы басталғалы бері ауа-райы күрт жылынып, еріген қар суы қала тұрғындарының мазасын қашырып жатырғандығы жасырын емес. Жеке сектордың тұрғындары еріген қармен күресу үшін коммуналдықтар мен төтеншеліктерге телефон соғуда. Бұл жеке секторда яғни, Неусыпова көшесі 112 мекен-жайында орналасқан тұрғын үй.

Баспананың иесі кешелі бері коммуналдықтар мен төтеншеліктерге қоңырау шалумен болдым. Көмек бүгін ғана келіп жетті. Бұрынғы жылдары да ауламды су басатын алайда, мұндай судың көп мөлшері орын алмайтын еді, - дейді.

Кешеден бері коммуналдықтарға еріген қардың суын сорғызу үшін 250 өтініш келіп түскен. Бүгінгі таңда, 245 өтініш қанағаттандырылған. Сала мамандары тәулік бойы жұмыс жасап жатырмыз. Алайда, келіп түсіп жатқан өтініштердің саны өте көп,- дейді.

Коммуналдықтар қар ери бастағалы бері 21700 куб суды сорыпты. Сондай-ақ, 2700 куб қар арнайы белгілен орталыққа шығарылған көрінеді. Бүгінгі таңда, еріген қар суымен күресу үшін 55 техника мен 120 жұмылдырылған.