0:00 / 0:00
7-ші қыркүйектен бастап облыс аумағында аң аулауға рұқсат берілмек. Алайда, аймағымызда құс пен аңдарды тек арнайы белгіленген, паспортталған жерлерде аулауға болады. Қазіргі таңда өңірімізде арнайы белгіленген орындар саны 60. Бірақ, оның 38-інің ғана тиісті құжаттары бар. Сала мамандары биыл 24 нысан аң аулау үшін арнайы лиценция алғанын айтады. Қазіргі таңда рұқсатнама халыққа қызмет көрсету орталығынан беріледі. Өңіріміздегі аң аулау уақыты ақпанның бел ортасына дейін жалғаспақ. Табиғатты қорғаушылар арнайы рұқсат қағазға ие болып, аң аулауға бел буған жандарға арнайы талаптарды орындап, қауіпсіздік шараларын естен шығармауды сұрайды.
