0:00 / 0:00
2018 жылдан бастап қала аумағында орын тепкен әлеуметтік орталықтар жаңа технологияларды қолдануда. Мәселен, қариялар үйі арнайы бейнежазба құрылғыларының көмегімен алыста жүрген туыстарымен тілдесе алатын мүмкіндікке ие болып отыр. Егде тартқан жандар үшін бауыр еті баласын көріп, тілдесуден асқан бақыт жоқ екені даусыз. Сондай-ақ, биылғы жылдың қаңтар айынан бастап, "Шапағат" орталығының тәрбиеленушілері де ата-анасымен тікелей байланысқа шыға алатын мүмкіндікке ие болды. Оқушылардың қалай сабақ процесін меңгеріп жатырғандығын ата-анасы бейнежазба бағдарламасы арқылы бақылай алады. Сала мамандары қазіргі таңда мұндай қызмет түрін ұялы телефон арқылы жүзеге асырып жатыр. Орталықтың басшылығы келешекте ғаламтор жылдамдығын жақсартамыз,- дейді.
