Қазір эфирде

Бағдарлама кестесі жоқ

01:00

Технический перерыв

19:30

Новости

20:45

Cinemaтограф park

21:00

Әлем және аймақ жаңалықтар

ӨҢДЕУШІ ӨНЕРКӘСІП ҚАШАН ДАМИДЫ?

c 09:32, 01/12/2021 c 1250

0:00 / 0:00

Елде өңдеуші өнеркәсіпті дамыту мәселесі 2025 жылға қарай шешіледі дейді Индустрия министрі Бейбіт Атамқұлов. Министрдің ұзын-сонар баяндамасына сенсек, алдағы үш жылда өңдеуші өнеркәсіп өсімін 1,5 есеге асырылмақ. 13,3 трлн теңгеден астам сомаға өңдеу өнеркәсібінің 490 жобасы іске қосылмақ. Отандық өнімді шығаруды дамыту үшін «Өнеркәсіптік саясат туралы» заң жобасы әзірленді.

Отандық өнім шығару мәселесі әлі де бір жолға қойылмай отыр. Отандық өнімнің тапшлығынан импортқа тәуелділік қазақстандықтарды қымбатшылыққа ұрындырып отыр. Тіпті құрылыс материалдарының өзі елде толық шығарылмайды. Дәрі-дәрмек өндіру де осыған дейін уәде етілген межеге жете алмай жатыр. Ал индустрия министрлігінің жылдағы жаттанды баяндамасын тыңдасаңыз, елде өңдеуші өнеркәсіп саласы өрлеп тұр. Министр Атамқұлов әлі ашылмаған, өндірісі басталмаған өндіріс орындары жайында аузын толтырып айтудан жалығар емес. Үкімет отырысында министр 2025 жылға дейін елдегі өңдеуші өнеркәсіпті дамыту жоспарын тағы ұсынды. Ең бастысы басы бар, аяғы жоқ жоба болмаса жарады.Алдағы үш жылда қыруар жоба жүзеге асып,100 мыңнан аса адам жұмысбасты болады дейді ол.

Министр айтып отырған жобалардың басым бөлігі құрылыс, тау-кен, машина жасау, дәрі-дәрмек шығару саласында көрініс таппақ.

Азық-түлік қауіпсіздігін арттырып, елдің экспорттық әлеуетін ұлғайтпақшымыз. Еске сала кетейік, Президент Қасым-Жомарт Кемелұлы Тоқаев үкіметтің алдында 2025 жылға қарай өңдеуші өнеркәсіп өсімін 1,5 есеге арттыру міндетін қойғанды. Индустрия министрі осы мақсатқа жету үшін «Өнеркәсіптік саясат туралы» заң жобасын қабылдау керек дейді. Жоба үкіметпен әзірленді. Парламенттің қарауына ұсынылмақ. Заң жобасына сәйкес, дайын өнімді өткізу және ішкі нарықты жаңа тауарлармен толықтыру үшін жер қойнауын пайдаланушылар мен ұлттық компаниялардың қатысуымен офтейк-келісімшарттар мен офсеттік шарттар пайдаланылады.Сондай-ақ,өнеркәсіптік грант енгізіледі. Бұл қаржы өндірісті жаңғыртуға беріледі.

ТДК 42 телеарнасының сайтында tdk42.kz жарияланған барлық материалдар телеарнаның меншігі. Авторлық құқық қорғалған. Материалдарды сілтемесіз tdk42.kz көшіріп басуға, рұқсатсыз жариялауға тиым салынады.