0:00 / 0:00

Оралда «Aqjaiyq marathon - 2019» көпшілік спорттық шарасы өтті. Марафонның салтанатты ашылуы П.Атоян атындағы стадионда өтті. Айта кетейік, «Aqjaiyq marathon»-ға супермарафоншы, халықаралық спорт шебері және Гиннес рекордтар кітабына жеті рет енген Марат Жыланбаев, триатлоннан жасөспірімдер арасында Азия чемпионатының қола жүлдегері, халықаралық дәрежедегі спорт шебері Ержан Жаппаров және облыс пен қала әкімдері қатысты.

Орал қаласының тарихында тұңғыш рет ұйымдастырылған толық марафонға Ресейдің 5 қаласынан 1000-нан астам адам тіркелді.Марафоншыларды облыс әкімі Ғали Есқалиев құттықтады.Дайындық жаттығуынан соң спортшылар 42.2 шақырымға, 21.1 шақырымға, 10.5 шақырымға, 11:00-де kids run 440 метрге жүгіру басталды. Ақжайықтың тумасы бүгінде Елорданың төрінде 2 жылдан бері спортты жанына серік еткен 36 жасар Ерлан Бақтияр Ақжайықта өткен ауқымды шараға арнайы келіпті.
Ауқымды шарадан соң абсолюттік және жас ерешеліктері бойынша жеңімпаздар марапатталды. Марафонның шарттарына тоқталсақ, жүгіру жолы айналмалы. Бағдар бойымен бір айналма ұзындығы - 10,5 шақырым. Алғашқы айналымның жеңімпазы болып Ақтөбелік Ислам Аманқосқа бұйырды.Әр қатысушының дайындық деңгейіне байланысты қашықтықты таңдап, аяқтауға құқығы болды. Жүлде қоры - 3 600 000 теңге. Абсолюттегі жүлде қоры - 2 000 000 теңге. Жас ерекшеліктері бойынша жүлде қоры - 1 600 000 теңге. Көпшілік марафонға І санат 16- 39 жасқа дейін, ІІ санат 40-59 жасқа дейін, ІІІ санат 60 және одан жоғары жастағы ерлер мен әйелдер қатысты.