Павлодар облысындағы колледждердің бірінде сабақ кезінде төтенше жағдай болды. Оқу орнының студенті үшінші қабаттың терезесінен секіріп кеткен. Әлеуметтік желілерде тараған ақпаратқа сәйкес, студент өзіне қол жұмсамақ болған. Зардап шеккен қыз түрлі жарақатпен шұғыл түрде ауруханаға жеткізілді. Павлодар облысының полиция департаменті 10 қазанда аталған дерек бойынша тексеру басталғанын хабарлады. Қазір оқиғаның мән-жайы анықталып жатыр.