Қазақстанда «Қауіпсіз үй» жедел-профилактикалық шарасы жүріп жатыр. 5 қазаннан бері полицейлер 249 мыңға жуық тұрғын үйді, оның ішінде 12 жарым мың жалдамалы пәтерді тексерген. Нәтижесінде тіркеусіз тұрудың 9 мыңға жуық дерегі анықталып, 7 мыңнан астам шетел азаматы әкімшілік жауапкершілікке тартылған. Сондай-ақ түнде ересектердің қарауынсыз жүрген кәмелетке толмағандарға қатысты 3 мың 883 дерек тіркелген. Ішкі істер министрлігінің мәліметінше, шараның мақсаты – тұрғын үй секторындағы құқық бұзушылықтардың алдын алу. Тексеріс 5 қарашаға дейін жалғаспақ.