0:00 / 0:00

Биыл өңірде «Еңбек» бағдарламасының мыңнан аса қатысушысына шағын несие беріледі деп жоспарланып отыр. Бұл туралы ауыл шаруашылығын қаржылай қолдау қоры акционерлік қоғамының облыстағы филиалының өкілдері мәлімдеді. Яғни қор 2,5 млрд. теңгеге жуық несие беруді жоспарлап отыр. Бағдарлама бойынша несиелер түрлі мақсаттарға жылдық 6%-тік сыйақы ставкасы бойынша беріледі, жылдық тиімді сыйақы мөлшерлемесі 6% -тен аспайды. Қор өзінің несиелік өнімдерінің көмегімен ауыл тұрғындары мен ауыл шаруашылығы тауарларын өндірушілердің жобаларын түрлі мақсатты бағыттар бойынша қаржыландырды.Шарты жеңіл тиімді несиені алушылардың саны жыл сайын артып келеді.  Несие алу шарттары да өте тиімді. Айта кеткен жөн, төтенше жағдайларға байланысты несие төлемдеріне өсімпұл қосылмайды. Және еңбек бағдарламасы аясында өтінімдер онлайн қабылдануда. Сонымен қатар, шаруа қожалықтары кәсіптерін одан әрі дамыту үшін Қордың несиелеу бағдарламаларының мүмкіндіктерін пайдалануға да болады.