0:00 / 0:00
Бүгін Оралдағы Мұхит пен Дәулеткерей көшелерінің қиылысында №6 қоғамдық көлік пен жеңіл автокөлік соқтығысып салдарынан 5 адам ауруханаға жеткізілді. Оқиға облыстық көпбейінді аурухана маңында болған. Куәгерлердің сөзінше нақ осы бұрылыста жол көлік оқиғасы жиі тіркеледі-мыс. Жылдамдықты асырған ВАЗ 2107 көлігі қоғамдық көлікке жол бермей аялдамада тұрған бірнеше адамды соққан. Оқиға орнына жедел жеткен жедел жәрдем көлігі зардап шегушілерді лезде ауруханаға алып кетті. Өкінішке орай, 1957 жылғы азамат алған жарақатының ауырлығы салдарынан аурухана төсегінде көз жұмған.
