0:00 / 0:00
Облыстағы арнаулы әлеуметтік қызмет көрсету орталығының қамқорланушылары спортта шынықты. Аудан-ауданнан жиналып, бас қосқан қариялар мен ерекше қамқорлықты қажет ететін жандар спортакиадада бақтары мен баптарын қатар сынады. Спорт денсаулық кепілі деп білген арнаулы әлеуметтік қызмет көрсету орталығының қамқорланушылары өңір аудандарынан ат терлетіп Орал қаласына арнайы келген. Бүгінгідей спорттық дода бұл мекемеде жиі ұйымдастырылатын көрінеді. Мереке қарсаңында ұйымдастырылған спартакиада Халықаралық мүгедектер құқын қорғау күніне орай қолға алынған. Халықаралық мүгедектер күнін атап өту олардың мәселелеріне көңіл бөлуге, қадір-қасиетін, құқығы мен аман-саулығын қорғауға, мүгедектердің саяси, әлеуметтік, экономикалық және мәдени өмірге қатысуынан қоғамға келетін басымдылыққа назар аударуға бағытталған.
Ал спартакиаданың ашылу салтанатында мекемедегі Екінші Дүниежүзілік соғыста ерлікпен соғысқан ардагер мен тыл еңбеккердеріне естелік сыйлықтар табыс етілді.
