Орал қаласында кезекті жер аукционы ұйымдастырылды. Аталмыш аукционға шаһарымыздың аумағы мен Зашаған кентінде орын тепкен тоғыз бірдей жер телімдері шығарылған. Аукционға шығарылған жер телімдерін тек азаматтарға үш жылға жалдау үшін қомақты қаржы төлейді. Ағылшын әдісі бойынша өткен шараға 21 азамат қатысуға ниет білдіріпті. Олар аукционға қатысу үшін жердің бес пайыздық құнын төлейді. Аукционда жалдау құқығына ие болған азамат үш жылдың ішінде жерді игерсе, жер телімін кадастрлық құны бойынша сатып алатын мүмкіндікке ие болады. Мәселен, бүгінгі жиында саудаланған Желаев тас жолында орналасқан 20 сотоқ жер 17 млн 500 мың теңгеге саудаланды. Келесі жер аукционы тамызда ұйымдастырылады деп жоспарланып отыр. Бұл жиында сегіз жер телімдері қойылмақ.
