0:00 / 0:00
Білім және ғылым министрлігі мұғалімдердің біліктілігін анықтайтын тестен бас тартпайды. Бұл жайында білім министрі Асхат Аймағамбетов журналистер тарапынан қойылған сұраққа жауап берді. Еске сала кетейік 14 –і сәуірде Алматыдағы жекеменшік мектептердің бірінде жұмыс істеген 1973 жылы туған мұғалім тестілеу кезінде қайтыс болды. Ер адам гипертониялық ауруына байланысты емханада есепте тұрған. Қазіргі уақытта сот-медициналық сараптама жүргізіліп жатыр. Осы қайғылы оқиғадан соң, мұғалімдер қауымы біліктілік тестін алып тастауды сұрағанды. Алайда білім министрі педагогтардың білімін анықтайтын тестен бас тарпайтынын мәлімдеді.
Қазақстандық мұғалімдер біліктілік тестін 2018 жылдан бері тапсырып келеді. Бекітілген санатына байланысты 230 мыңнан астам адам жыл сайын жалақының 30-50% мөлшерінде қосымша төлемдер алады. Яғни ұстаз біліктілігін дәлелдей алса, жалақысы өседі. Білім министрінің айтуынша, аталмыш тесті тапсырмай-ақ бұрынғы жалақысын алып та жүре беруге болады. Дегенмен мұғалімдер мен оқушыларға ыңғайлы жағдай жасағаннан бұрын білім сапасына басымдық беру керек дейді ол. Бұл мәселе Алматыда тест тапсыру барысында қайтыс болған мұғалімнің оқиғасынан соң қозғалып отыр. Соңғы 4 жылда бірінші рет адам өлімі тіркеліп отыр. Осыдан кейін тестілеу орталықтарында алғашқы көмек көрсету үшін дәрігерлердің жұмысын бақылау күшейтілмек. Министрліктің мәлімтеніше, көз жұмған ер мұғалім гипертониялық ауруына байланысты емханада есепте тұрған. Осы қайғылы оқиғадан соң, мұғалімдер қауымы біліктілік тестін алып тастауды сұрағанды. Алайда білім министрі педагогтардың білімін анықтайтын тестен бас тарпайтынын мәлімдеді.
АСХАТ АЙМАҒАМБЕТОВ – ҚР БІЛІМ ЖӘНЕ ҒЫЛЫМ МИНИСТРІ "Бұл мәселе біраз адамды мазалап жүр. Педагогтердің көбісі аттестацияны алып тастауды ұсынып отыр. Сол сияқты оқушылардан баға қоюды алып тастайық па деп сұрасақ, олар да қолдайтын еді. Жазғы демалысын тағы үш айға ұзартайық деп, бастама көтерсек, бәлкім, қуана-қуана келісетін шығар".
Еліміздің бас мұғалімі бұл мәселе бойынша үкіметте де айтқан болатын. Негізгі міндет - балаларға сапалы білім беру. Ол үшін мұғалімдерге қатысты талаптар жоғары болуы тиіс. Аймағамбетов аттестацияны алып тастап, көпшіліктің алдында жақсы атты болу басты мақсатым емес дейді.
Ұстаздар аталмыш тесті 5 жылда бір рет тапсырады. Осылайша 5 жыл бойына қосымша ақы алады. Егер мұғалім өз пәнін жақсы білмесе, сәйкесінше тесті нашар тапсырады, балаларға да нашар білім береді дейді білім министрі.
