Оралда полиция қызметкерлеріне жаңа қызметтік автокөліктер табысталды. Салтанатты шара Отан қорғаушылар күні мен Жеңіс күні қарсаңында Тұңғыш Президент алаңында өтті. Іс-шара барысында Батыс Қазақстан облысы Полиция департаментінің бөлімшелеріне заманауи қызметтік көліктер берілді. Жаңа техникалар полиция жасақтарының жедел әрекет ету мүмкіндігін арттырып, қоғамдық қауіпсіздікті қамтамасыз ету жұмыстарын күшейтуге бағытталған.