0:00 / 0:00
Оралда шаһардың тарихи бөлігін толық жоспарлау жобасы қолға алынды. Бұл туралы Орал қаласының сәулет және қала құрылысы бөлімінің мамандары мәлімдеп отыр. Аталмыш құжатта мемлекет қорғауындағы ғимарат талаптары да қамтылады. Нысан иелері сәулет және тарих ескерткіштеріне асқан жауапкершілікпен қарауы тиіс. Карев үйіне жапсарсласа салынған ескі үйде қазір жөндеу жұмыстары жүруде. Бұның барлығы да тарихи мәдени мұраны сақтау мемлекеттік инпекциясымен келісілген. Испекция мамандарының айтуынша, 2015 жылғы тұжырымдамаға сай, Достық даңғылындағы ғимараттар бір түске боялуы қажет. Басты даңғылға сары және қоңыр түстер таңдалған.Тарихи мәдени мұраны сақтау мемлкеттік инпекциясы қызметкерлері тарихи жәдігерлердің ұқыптылықты қажет ететінін ескертеді. Себебі олардың көпшілігі бүгінде апатты жағдайда. Шаһардың ескі бөлігін жөндеу жұмыстарына қала тұрғындары да қолдау білдіруде. Ал ескі ғимарат иелері нысанды сол қалпында сақтау үшін үнемі өз аула аумақтарын жинап, ғимараттың сырқы кескініне ерекше назар аударуы қажет.