Астанада екі жасөспірім қыздың қаза болуына байланысты қылмыстық іс қозғалды. Алдын ала мәлімет бойынша, қайтыс болғандар - 13 жастағы екі қыз. Қайғылы оқиға елордадағы Әнет баба көшесінде орналасқан көпқабатты үйлердің бірінде болған. Бұл ақпарат әлеуметтік желілерде тарағаннан кейін полиция деректі растады. Қазіргі уақытта оқиғаның мән-жайы анықталып жатыр. Полиция департаментінің мәліметінше, сотқа дейінгі тергеп-тексеру басталған. Алайда Қылмыстық-процестік кодекстің 201-бабына сәйкес, тергеу барысы туралы өзге ақпарат жарияланбайды.