0:00 / 0:00
Орал қаласында жас кәсіпкерлерге арналған форум өтті. Облыс орталығында ұйымдастырылған шара жастар арасында кәсіпкерлікті дамытып, олардың білім-білігін дамытуға және бизнесті қолдауға арналған бағдарламаларды түсіндіруді мақсат тұтады. Форум барысында қазір өз кәсібін дөңгелентіп отырған жандар студенттерге тәжірбиесімен бөлісіп, нарықтағы түрлі қиындықты қалай еңсергені жайлы айтып берді. Биылғы жылы «Еңбек» бағдарламасының екінші бағыты бойынша жас кәсіпкерлерді қолдау үшін гранттық қаржыландыруға 37,4 млн теңге бөлініпті. Сондай-ақ, облыс көлемінде жастар арасында өз кәсібін ашқан жандарды қолдауға 45 млн теңге қомақты қаржы қарастырылып отыр.
