0:00 / 0:00
Жаңа госпиталь Орал қаласындағы Жұлдыз шағынауданынан бой көтереді. Ол үшін 4 гектардан астам жер телімі бөлінген. «Бұл қауіпті індеттің келесі толқынына дайындық», - дейді мамандар. Алайда оңалту орталығын «инфекциялық аурулар ауруханасы» деп шатыстырған тұрғындар уәждерін былайша білдірді.Өткен айда провизорлық және инфекциялық бөлімшелерге айналдырылған аудандық және қалалық ауруханалар қазір қайтадан қайтарылып жатыр. Себебі вирус жұқтырғандар азая бастаған. Оңалту орталығының құрылыс жұмыстары 2 айдың ішінде аяқталмақ.Облыстағы оңалту орталығы неміс технологиясы бойынша жасалған модульдік блоктардан салынады. Бұл технология нысан құрылысын қысқа мерзімде аяқтауға мүмкіндік береді. Құрылыс кезінде халықаралық қауіпсіздік стандарттары сақталады. Негізінен оңалту орталықтары Елорда, Шымкент, Алматы сынды еліміздің ірі қалаларында бой көтеруде. Сол себепті тұрғындарға алаңдауға еш негіз жоқ.
