0:00 / 0:00

Орал қаласының Хамит Чурин көшесінде орналасқан 162- тұрғын үйдің тұрғындары пәтер иелері кооперативінің жұмысына көңілдері толмай отыр. Бес қабатты үйдің №4 подъездің тұрғындары өткен жылы жаңа жылдың қарсаңында жертөледегі құбырлар жарылды. Істен шыққан құбыр алмастырылса да, жұмыс жөнді аяқталған жоқ деп отыр.

Бұл-Хамид Чурин 162 мекенжайында орналасқан бес қабатты тұрғын үй. Аталмыш баспана өткен ғасырда салынған. Қаланың орталығында орналасқан үйдің тұрғындары пәтер иелері кооперативінің жұмысына көңілдері толмай отыр. Даудың басы өткен жылы жаңа жылдың қарсаңында кәріз жүйесінде ақау болып, лас су жертөлеге құйылған кезде басталыпты. Тұрғындар шағымдарын пикке жолдап, әкімдікке хабарласып, мұң-мұқтажын баяндағаннан кейін, тозығы жеткен құбырлар алмастырылған. Алайда, жертөледегі құрылыс жұмыстары әлі аяқталмағандай әсер қалдырады. Құбыр орнатылмағанымен, кіреберіс баспалдақ сол күйі қалпына келмей, іштегі құрылыс қоқысы жиналмады,- дейді тұрғындар.

Светлана Короткова- Орал қаласының тұрғыны : "Біздер барлық қоқысты жиналғанын қалаймыз. барлық бетонның қалдықтарын алып, құбырды дұрыстап жауып берсе екен дейміз. Қазіргі таңда құбырдың бетінде цементтің қалдықтары жатыр".

Тұрғындар жиналмаған қоқыстың салдарынан жертөле антисанитарлық жағдайда деп алаңдап отыр.

Мария Ефимова- Орал қаласының тұрғыны: "Құбырды алып келіп, мына жерді қазып тастап, көпке дейін жаппай орынды жаппай, топырақ шашылып жатты. Әрең дегенде, орды жапқызған едік. Қазылған құбыр сол күйі тұр. Соның салдарынан жертөлеміздің антисанитарлық жағдайда. Бұлай болмайды ғой".

Хамит Чурин 162- үй қарайтын пәтер иелері кооперативіне барып, мән-жайды анықтап білмек едік. Алайда, пиктің төрағасы жұмыс орынында болмай шықты. Телефон арқылы хабарласқан кезде, қандай да бір ақпарат беруден бас тартты. Құзыретті мекемелер тұрғындардың шағымына құлақ асып, салынған құбырдың мәселесі өз шешімін табады деп сенейік!