0:00 / 0:00

БҚО да демалыс күндері 3 тұрғын суға кетті. Тілсіз жаудың құрбанына айналған марқұмдар карантиндік шараларға қарамастан суға шомылып, бақилық болған.Қайғылы жағдайдың үшеуі де 26-шы шілде күні тіркелген. Олардың екеуі Ақжайық ауданының тұрғыны болса, біреуі Бәйтерек ауданының азаматы.Су айдындарында жыл басынан бері қаза тапқандардың 7 еуі мектеп жасындағы балалар. БҚО ТЖД бастығының орынбасары  Ақылбек Ахметжановтың айтуынша үстіміздегі жылы 14 адам су айдындарында қаза тапқан. – 26 шілде сағат 10-33-те Ақжайық ауданы, Жаңабұлақ ауылындағы Жайық өзенінен ТЖД ЖҚЖ күшімен  1979 жылғы  ер адамның мәйіті табылды және шығарылды, ол 26 шілде сағат 00-30-да белгісіз жағдайларда суға батып кеткен. Марқұм достарымен, мас күйінде, жеке құтқару құралдарынсыз болған. Екінші оқиға сағат 18-10-да тіркелді. Судан 2002 жылы туылған  азаматтың мүрдесі  шығарыды, ол  суға шомылуға жабдықталмаған жерде түскен және  достарымен жеке құтқару құралдарынсыз болған. Сонымен қатар  сағат 17-14-те Байтерек ауданы, Мичурино ауылдық округінде  Шаған өзенінен ТЖД ЖҚЖ күшімен 1980 жылы туған әйелдің мәйіті табылды. Ол белгісіз жағдайларда батқан. Анықталғандай бұл тұлғада достарымен рұқсатсыз жерде демалыс ұйымдастырған және  алкогольдік өнімдерді тұтынған,– деді БҚО ТЖД бастығының орынбасары  Ақылбек Ахметжанов