0:00 / 0:00

«Tasqala trail run» тау марафоны бойынша белгіленген меже 3 мың және 15 500 шақырымды құрады. Бұл жарысқа Тасқала ауданының жергілікті тұрғындары, қала және аудан спортшылары мен Ақтөбе, көршілес Самара қаласының желаяқтары қатысуға ниет білдіріпті. Марафон Тасқала ауылындағы Абай алаңынан бастап Ешкітауға дейін жалғасты. Бәйтерек ауданының Январцев ауылынан келген Жарас Айтуаров ерлер арасында мәре сызығын бірінші болып кесті.

ЖАРАС АЙТУАРОВ  

МАРАФОН ЖЕҢІМПАЗЫ

Ал әйелдер арасында жеңімпаз атанған Жадыра Сүюсінова бұл жеңісін төрт жылдық тәжірибенің жемісі деп санайды.

ЖАДЫРА СҮЮСІНОВА

МАРАФОН ЖЕҢІМПАЗЫ

Көпшілік сайыс Тасқала ауданында бірінші мәрте ұйымдастырылып отыр. Аудан орталығынан Ешкітауға дейінгі аралықты «Aq jol» ҚДП-ның аудандық мәслихат депутаты Азамат Кульшманов та жүгіріп өтті. Жарыстың демеушілері қатарынан табылған кәсіпкер ауылдастарын қолдап, салауатты өмір салтын насихаттау шараларына үлес қосқысы келгенін айтады.

АЗАМАТ КУЛЬШМАНОВ

«AQ JOL» ҚДП ТАСҚАЛА АУДАНДЫҚ МӘСЛИХАТ ДЕПУТАТЫ

Тау марафоны Тасқала ауданының 90 жылдығына орай ұйымдастырылып отыр. Жарыстың мақсаты – жастар арасында достық қарым-қатынас орнатып, ауданның бұқаралық спортпен шұғылданшулар қатарын арттыру дейді ұйымдастырушылар.