Орал қаласында қоғамдық көлікке міне алмай, автобус артынан шапқылаған мүгедек жанның видеосы әлеуметтік желіде қызу талқыға түсіп жатыр. Маралбек Балдахов есімді азамат телефонына түсіріп алған оқиға 4 тамыз күні болыпты. Мүмкіндігі шектеулі жанды автобусқа отырғызудан жүргізуші неліктен бас тартқан? Бұл мүгедек жандардың құқығын аяққа таптау емес пе? Оқиғаның мән-жайын білмек болып,, қоғамдық көлік тиесілі компаниядан жауап алған болатынбыз.
Кәсіпорын басшылығы мүмкіндігі шектеулі азамат тоқтауға рұқсат етілмеген жерде көлікке отырмақ болғанын айтады. Сол күнгі автобус пен оның жүргізушісі анықталып, жауап алынған.
