0:00 / 0:00

Сырым ауданында болған облыс әкімі ауылдық жерлердегі жолдардың қардан аршылу жұмыстарын көрді. Қазір қыс мезгілінде ауылдық жерлердің жолдарының қардан тазалануы, трасса бойларының тазалығы маңызды болып тұр.Биыл қыс жылдағыдан ерте түсіп, қар мөлшері де жылдағыдан көп.Сондықтан да ауылдық жерлердегі халық қар құрсауында қалып қоймау керек. Әсіресе қыстақтарда мал бағып отырған шаруалардың жағдайын басты назарда ұстау керектігі де белгілі.

Қазір бұл жерде қар тазалау жұмыстары жүріп жатыр. Тоғанас ауылына апаратын 12 шақырымдай жолды қардан тазалау жұмыстарымен облыс әкімі Алтай Көлгінов танысты. Ауданда қар тазалау жұмыстары уақытылы жүргізіледі.Ол үшін күнде 17 техника жұмылдырылып отырған көрінеді.
Осы жерде ауыл тұрғындарымен, шаруалармен кездескен аймақ басшысы шаруларады толғандыратын негізгі сұрақтарға жауап берді. Шаруаларды көбіне субсидия алу мәселесі, мал басын көбейтуге көмек мәселесі толғандырды.
Қазір қыстың көзі қырауда ауылдық жерлерге апартын жолдардың ашық болуы негізгі мәселе. Бүгінде аудан бойынша 114 қыстақ бар. Қыстақтардың бәріне апаратын жолдар тазаланған.Сондай қыстақтардың бірі - "Жібек жолы" шаруа қожалығының қыстағы.Бұл жерде асыл тұқымды мал өсіріледі.
Қазір осы қыстақта 5 үй бар. Бұл шаруа қожалығы 30 адамды жұмыспен қамтып отыр.Төрт түлік малды өсіріп, бағып, баптау жұмыстарына қарайған күш кетері сөзсіз.Малға қажетті жем шөптен Сырымдықтар тарлық көрмейді дейді мамандар.
Қазір "Жібек жолы" ШҚ мал басын көбейту бағытында жұмыстанып жатыр.Ол үшін мемлекеттен қолдауда бар. 2017 жылы 9 мил, 2018 жылы 10 мил субсидия беріліпті.