Батыс Қазақстан облысының қылмыстық істер жөніндегі мамандандырылған соты 2017 жылдың 11 айында 35 қылмыстық іске байланысты үкім шығарыпты. Биылғы жылы ауыр қылмыс жасап темір торға тоғытылған жандардың саны 60-тан асып жығылатын көрінеді. Бұл туралы облыстық қылмыстық істер бойынша соттың төрағасы Қайрат Шалқаров мырза баспасөз мәслихаты барысында хабарлаған болатын. Сондай-ақ, сот төрағасы жиын барысында жаңадан енгізілетін заң жобасындағы кейбір талаптар мен өзгертулерге байланысты анықтама берді.