0:00 / 0:00
Орал қаласында салынып жатырған түзету мекемесінің құрылыс жұмыстары аяқталмай жатып дау шықты. Облыстық сотқа прокуорлар құрылыс материалдарын алмастырылуы себепті қауіпсіздік шаралары дұрыс сақталмаған деп шағым түсірген. Осы орайда мердігер компанияның адвокаттары мұны негізсіз деп Елбасынан араша болуды сұрады. Сақалды нысанға айналған түзету мекемесі 5 жылдан бері салынып жатса да аяқталар түрі жоқ. Бүгінде мекеме құрылысының 80 пайызы бітіп тұр. Алайда құрылысқа қолданылуы тиіс керамзит блок орнына цементтің алмастырылуы себепті дау туындап отыр. Адвокаттардың айтуынша түзету мекемесінің жобасында көрсетілген шикізат облыста өнідірілмейтін көрінеді. Құрылыс жұмыстары өткен жылы тоқтатылған. Түзету мекемесі 1500 орынға арналған.
