0:00 / 0:00

Жаңа жылды жарқын сәттермен есте қалдыруды әдетке айналдырған Орал қаласы Саратов көшесі 24,22, 25-ші үйдің тұрғындарының биылғы мереке күндерінде берекесі кетті. Өйткені кәріз құбырлары толып, тұрғындар кімнен көмек сұрарға білмей дал. Үй тұрғындарының айтуларынша мереке күндері құзыретті мекемелерге хабарласқанмен олармен тілдесу мүмкін болмаптыБұл пәтердегі жағымсыз иіс жертөледен шығып жатыр. Есік алдындағы кәріз құдықтары да лық толып, қолқаны жаратын иістен жандарын қоярға жер таппай жүрген жұрт мән жайды былай түсіндіреді.Әйтсе де, кәріз құбырларының жарылып, дәретханадан шыққан қалдықтардың жертөледе қалқып жүргенін көрген тұрғындар электр сымдарының тұйықталып өрт шыға ма деген қорқыныштарын жасырмайды. Ал, аталмыш баспаналарды күтіп ұстау қызметін ұсынушы «геолог» ПИК өкілдері мұншама лас судың қайдан шығып жатқанына «Батыс су арнасы» ЖШС бас қатырып жатқан жоқ дейді.Осы орайда мәселенің мән жайын анықтамақ ниетте аты аталған мекеме басшысына хабарласқан едік. Мәселе бірер күнде шешілмек. Деседе тұрғындар қолқаны қарып кететін иіске төзуге шамамыз бұдан арығарай жетпейді дейді.