0:00 / 0:00

19- әлеуметтік маңызы бар тағам өніміне шекті бағалар қойылып отыр. Күн сайын сауда нүктелерін аралап шығатын комиссиялар мен мобильдік топтар құрылған. Ірі сауда нысандарын аралап, оларға шекті баға белгіленген. Егер негізсіз бағаның өскенін байқап, қандай да бір тәртіп бұзушылық анықталатын болса, мобильді топ рапорт жазып, фото және бейне-есеп жасайды. Содан кейін бұл материалдар комиссияның қарауына жіберілетін болады. Заң бұзушылық орын алса айыптылар жазаланады. Бүгінде тек облыста қарақұмық бағасында ауытқушылық бар. Өнімге сұраныс жоғары, сол себепті бүгінде басқарма тарапынан осы мәселенің шешу жолдары қарастырылуда. Ал азы-түлік қоймасында күнделікті тұтынатын өнімдер артығымен сақталған. Айта кеткен жөн, сауда нүктелерінде әлеуметтің аз қамтылған тобы үшін 9 дан 11 -ге дейін «Час пик» акциясы жалғасуда. Ал қандай да бір бағаны негізсіз өсірген фактілерге тап болсаңыздар "109" байланыс нөміріне хабарласуға болады.