0:00 / 0:00
Ескірген газ баллонын қооданбаңыз! Төтеншеліктердің айтуынша, қазақстандықтар ескі және мерзімі өтіп кеткен баллондарды көп қолданады. Соның барлығы тіркелмеген. Тұтынушылардың көбісі сонау кеңес заманынан қалған баллондарды пайдаланып, жақын тұрған автогаз станцияларында толтырып отырады. Бірақ заң бойынша ондай жерде газ толтыруға болмайды-дейді Төтенше жағдайлар вице-министрі Мереке Пішембаев.
Төтеншеліктер ұсынған мәліметке сүйенсек, ағымдағы жылы республика бойынша әлеуметтік нысандарда 55 рет газ-ауа қоспасы жарылған. Соның ішінде 16 оқиға газ баллонының жарылуымен байланысты. 30 жағдай газ-ауа қоспасының тарсылы және 6 оқиға газбен улану бойныша тіркелді. 86 адам жарақат алып, 21 адам көз жұмды. Жалпы өрттің орын алу жағдайлары еліміздің батыс және солтүстік өңірлерінде көп тіркелген.
Соңғы кездері жеке-тұрғын үйлерде, қоғамдық тамақтану орындарында газ баллондардың жарылу дерегі жиілеп кетті. Жақында Ақмола облысына қарасты Шортанды ауылында орын алған жарылыста үш адам мерт болған еді. 11 адам зардап шекті. Бір қабатты 3 пәтерлі үйде газ баллон жарылып, артынан өрт шыққан еді. Мұндай қайғылы жағдайлардың орын алуына көп жағдайда тұрғындардың қауіпсіздік шарасын сақтамауы себеп болып жатады. Төтеншеліктердің айтуынша,
ескі және мерзімі өтіп кеткен баллондар көп қолданылады. Ол баллондардың барлығы тіркелмеген. Тіпті сонау кеңес заманынан қалған баллондарды пайдаланып жатқандар да бар дейді вице-министр Пішембаев.
МЕРЕКЕ ПІШЕМБАЕВ – ҚР ТӨТЕНШЕ ЖАҒДАЙЛАР ВИЦЕ-МИНИСТРІ «Мұндағы басты проблема- халықтың қолданып жатқан газ баллондары ескірген, мерзімі өткен. Тұтынушылар жақын тұрған автогаз станцияларын апарып толтырып отырады. Бірақ заң бойынша ондай жерде газ толтыруға болмайды. Газ баллондарын арнайы компанияларда толтыру қажет. Себебі ол жерде қауіпсіздік шаралары сақталады. Газ баллон 85 пайыз ғана толтырылуы керек.»
Алайда, мамандардың айтып отырған бұл талаптары сақталып жатқан жоқ. Бір баллонды пайдалану мерзімі 30 жылдан аспауы тиіс. Бұдан бөлек, газ таратушы компаниялар бес жыл сайын баллондарды тексеріп отыруы қажет. Бірақ бұл талаптардың бірде-бірі орындалып жатқан жоқ. Ал халыққа газ сататын компаниялар қауіпсіздіктен бұрын пайданы ойлайды. Ал қауіпті баллондарды жаңасына ауыстыруы шарттарын орындамай отыр. Кәсіпкерлер бұндай шығынға батқысы келмйді дейді төтеншеліктер. Бұл орайда, қауіпсіздік шарасының сақталуын қамтамасыз ететін
әкімдікке қарайтын газ инспекциялары да өз міндеттерін дұрыс атқармайды. Соның салдарынан газ баллондары жарылып, адамдар қайтыс болып жатыр. Ал ауылды жерлерде газ балллон қолдану кеңінен тарағынын ескерсек, әлі күнге дейін аудандық әкімдіктер деңгейінде газ және газбен жабдықтау саласында мемлекеттік бақылауды жүзеге асыратын арнайы бөлімшелер де құрылмағанын айтады вице-министр.
