0:00 / 0:00

Естеріңізде ме? Қос құрсағы бар оралдық Лилия Коновалова өткен жылы екі жарым айда екі рет босанып, біріншісінде қыз, екіншісінде ұл баланы өмірге әкелген еді. Бұрын соңды елімізде болмаған мұндай жағдай баршамызды таң қалдырғаны жасырын емес. Медицина саласында егіз, алайда әртүрлі айда өмірге келген сәбилер біздің арнамызда қонақта болды.Дәрігерлер оның қос құрсағы бар екенін айқан-ды. Мұндай жағдай бұрын-соңды Қазақстанда кездеспеген. Ағылшын гинекологтарының дерегінше, соңғы жарты ғасырда күллі әлемде осындай 70 жағдай тіркеліпті. Лилия алғашқы нәрестесін 24 мамырда мерзімінен бұрын босанған. Өйткені 25 апталық шарананың салмағы 850 грамм болған, әрі тыныс алу жүйесі дамымағасын, арнайы инкубаторға салыпты. Араға екі жарым ай салып қайта босанған келіншек басында үрейленгенін жасырмады. Алайда бүгінде сәбилердің жағдайы бір қалыпты жақсы дамып келеді. Сәбилердің әкесі болса бүгінде балдан тәтті балалары түрлі қылықтарымен тәнті ететінін айтады.Нәрестелерге Лия және Максим деген есім берілді. Максимге 8 ай болса, Лия 6 айлық. Ал Лилияның егіздерінен басқа жеті жасар қызы бар.Осы орайда айта кеткен жөн екі баланың аман-сау өмірге келуіне дәрігерлер көмегі көп болды. Жергілікті медицина саласының мамандарына ресейлік дәрігерлер жоғары баға берді. Қазір бақытты отбасы өздерінің жеке кең сарайлары болуын армандайды. Олар мақсаттарына жету жолында алғашқы қадамды жасаған.