0:00 / 0:00
1-ші шілдеден бастап валюта заңнамасына өзгерістер енді . Жаңашылдықтарды түсіндіру үшін "Centercredit" банкі заңды тұлғалар мен жеке кәсіпкерлердің басын қосып, арнайы семинар ұйымдастырған болатын. Жиын барысында "Ұлттық банк" қызметкерлері жаңашылдықтарды жіпке тізді.
"Centercredit" банкі өз жұмысын 1988 жылдан бастады. Бүгінде 50 мыңдай батысқазақстандық аталмыш банкке сенім артып, түрлі қаржылық операцияларын жүзеге асырған. Сондай-ақ, 3500 -нан астам заңды тұлғалар да қаржысын сеніп тапсырыпты. Орал мен Ақсай қаласын толықтай қамтып отырған қаржы ұйымы арнайы жеке кәсіпкерлердің басын қосты. Басты мақсат: 1-ші шілдеден бастан өзгеріске ұшыраған валюта заңнамасын түсіндіру.
Жаңашылдықтарды баяндаған мамандарды мұқият тыңдаған кәсіпкерлер сауалдарын жолдап, мардымды жауап алды. Қаржы саласында 30-дан астам еңбектеніп келе жатқан "Centercredit" тұтынушыларына жаңашылдықтардың барлығын түсіндіру үшін оқыту семинарларын келешекте де ұйымдастырмақ.
